შენელების ხელოვნება სწრაფ სამყაროში

დღეს თითქმის ყველაფერი გვაჩქარებს.

შეტყობინებები. საქმეები. პასუხები. გეგმები. მუდმივი განცდა, რომ რაღაც უნდა მოვასწროთ, დავასრულოთ, გავაგზავნოთ, გადავწყვიტოთ.

ხშირად ისე ვცხოვრობთ, რომ დღის ბოლოს ვერც კი ვხვდებით, რომ დღის 99% ავტომატურ რეჟიმში გავატარეთ.

შენელება არ ნიშნავს ცხოვრებიდან გაქცევას, პასუხისმგებლობების მიტოვებას ან ნაკლების კეთებას.

შენელება ნიშნავს, რომ ყოველდღიურ რიტმში პატარა სივრცეს ქმნი საკუთარი თავისთვის — რათა რეაქტიული მდგომარეობიდან გადაერთო და გააცნობიერო, რას აკეთებ, რას გრძნობ და რა არის ახლა ნამდვილად მნიშვნელოვანი.

ეს არის უნარი, რომ საკუთარ თავს დროდადრო ჰკითხო:

„მართლა აუცილებელია, რომ ამას ახლავე ვუპასუხო?"
„მართლა სასწრაფოა ეს საქმე, თუ უბრალოდ მე შევეჩვიე მუდმივ სიჩქარეს?"
„ის რასაც ვაკეთებ, რასაც დროს ვითმობ, რამდენად არის ჩემი სურვილი?"

სწრაფ სამყაროში შენელება შეიძლება ძალიან პატარა მოქმედებით დაიწყოს.

არა ტელეფონის სამუდამოდ გამორთვით.
არამედ რამდენიმე წუთით, როცა საკუთარ ნერვულ სისტემას აძლევ სიგნალს: ახლა საფრთხე არ არის, შეგიძლია ცოტა შეანელო.